《早辰早晨》: 無法無天

August 13, 2019.Reading time less than 1 minute.

【無法無天】
相信尋晚唔少人或者都同我地一樣，徹夜難眠，手機傳黎嘅係一幕又一幕令人憤怒嘅畫面。

反修例運動正式踏入第三個月，尋晚多區都爆發激烈嘅警民衝突。警方係葵芳一帶施放咗三輪嘅催淚彈，有警員更一度行入港鐵車站入面，向閘內人士放催淚彈。

《早辰早晨》: 警方的法律理據

August 9, 2019.Reading time less than 1 minute.

【警方的法律理據】
尋晚有網民發起觀星集會，用觀星筆苦中作樂，不過同日警方嘅例行記者會上，有組織罪案及三合會調查科高級警司李桂華重申，以「適合用作傷害他人物品」呢個理由做法律理據，去定性雷射筆係攻擊性武器。

我地翻查法庭文件，發現係1994年 R v. Chong Ah-Choi 案件中，時任包致金大法官認為，由於「適合用作傷害他人物品」當中嘅「適合」定義太廣闊，已經裁定呢項理據係違犯《香港人權法案條例》，以後都唔可以再被用作定罪基礎。

August 3, 2019.Reading time less than 1 minute.

【警方的紀律訓練】
前晚有過千名市民包圍葵涌同天水圍警署，聲援728中上環衝突中被捕人士，喺葵涌更加發生激烈既警民衝突。衝突期間，有警長手持散彈槍瞄準示威者。

有傳媒翻查警隊使用散彈槍既指引，發現當晚涉事警長係以「企射姿勢」(Standing Position)，將長槍瞄準示威者，呢個同警方發言人所指既以「長槍戒備」有分別。另外，指引亦列明，除非警員決定好射擊既目標，否則手指唔可以放係扳機既護環入面，亦唔可以將槍械指向任何無射擊之力既人身上。

July 27, 2019.Reading time less than 1 minute.

【警方的邏輯】
警方尋日就罕有地發出反對通知書，禁止聽日「光復元朗」遊行。

署理新界北總區指揮官曾正科解釋，若警方仍然批出不反對通知書，係「不顧民意」。

咁六月既二百萬名市民上街遊行，當中包括要求追究警方濫暴，多個專業團體同前高官學者，都要求成立獨立調查委員會調查警方暴力，警方又有無聽到民意呢？

July 22, 2019.Reading time less than 1 minute.

【陳同佳案後續】
雖然《逃犯條例》修訂已經所謂既「壽終正寢」，但特首林鄭月娥仍然拒絕撤回方案，亦未再提出引渡台灣殺人案疑犯陳同佳返台灣受審既其他方法。

工黨立法會議員張超雄，尋日中午原本提出修訂《逃犯條例》私人草案，希望解決台灣殺人案，還死者家屬一個公道。不過到傍晚，由於草案引起社會極大嘅迴響，張超雄決定徹回草案，為錯判時機向市民道歉。