隨著內地嘅網絡日益普及，人人都一機在手，「網紅經濟」現象更係持續起飛。
所謂嘅「網紅」，即係「網絡紅人」。
佢地透過網絡直播平台同粉絲互動，只要吸引倒粉絲嘅追蹤，就會有商機。
24歲嘅王麗拉係內地嘅人氣網絡主播，有超過29萬名微博粉絲。佢每個月嘅收入至少有五萬蚊人民幣。王麗拉喺廣州長大，三年前隻身嚟到北京，同一間大型嘅網絡經紀公司簽約做藝人主播，而家每晚要做八個鐘頭嘅直播。
王麗拉每一次做直播嘅時候，佢嘅經紀公司都會有營運人員 對佢進行實時監控，確保直播內容合適及有一定嘅人流。直播點擊率同粉絲用真金白銀購買嘅網絡禮物，都會成為直播主播嘅主要收入來源之一。
Links:
