《新疆「再教育營」：被囚者的哭訴》

June 3, 2019.Reading time 1 minute.

中國近年大幅收緊宗教自由，打壓穆斯林，「伊斯蘭教中國化」的政策在全國各地推行。

內地政府更以反恐及消滅極端主義為由，在新疆以「職業技能教育培訓」為名，大規模關押維吾爾族、哈薩克族及其他穆斯林。根據聯合國估計，目前被關押的人數已超過一百萬，當中包括著名的知識份子和精英。

全新一集《脈搏》中文特輯將會帶大家走訪鄰近新疆的青海和寧夏，了解當地穆斯林的情況；以及跟新疆邊境接壤的哈薩克斯坦，採訪曾被囚禁的哈薩克人和正積極尋找被囚者的家屬。

《早辰早晨》: 無法無天

August 13, 2019.Reading time less than 1 minute.

【無法無天】
相信尋晚唔少人或者都同我地一樣，徹夜難眠，手機傳黎嘅係一幕又一幕令人憤怒嘅畫面。

反修例運動正式踏入第三個月，尋晚多區都爆發激烈嘅警民衝突。警方係葵芳一帶施放咗三輪嘅催淚彈，有警員更一度行入港鐵車站入面，向閘內人士放催淚彈。

August 9, 2019.Reading time less than 1 minute.

【警方的法律理據】
尋晚有網民發起觀星集會，用觀星筆苦中作樂，不過同日警方嘅例行記者會上，有組織罪案及三合會調查科高級警司李桂華重申，以「適合用作傷害他人物品」呢個理由做法律理據，去定性雷射筆係攻擊性武器。

我地翻查法庭文件，發現係1994年 R v. Chong Ah-Choi 案件中，時任包致金大法官認為，由於「適合用作傷害他人物品」當中嘅「適合」定義太廣闊，已經裁定呢項理據係違犯《香港人權法案條例》，以後都唔可以再被用作定罪基礎。

August 9, 2019.Reading time less than 1 minute.

【不歸路】
反《逃犯條例》修訂運動持續超過兩個月，尋日網民發起嘅全港罷工、罷課同罷市，係呢場運動有史以黎最大規模嘅行動。

全港多個地方，下晝都有激烈嘅警民衝突，警方係港九新界多處施放催淚彈驅散示威者，大埔同荃灣更係首次出現催淚彈，衝突一直持續至凌晨時分。

August 9, 2019.Reading time less than 1 minute.

【罷工日】
尋日係銅鑼灣、西環、將軍澳、觀塘、黃大仙同美孚都出現快閃示威。有網民今日發起「全港三罷，七區集會」，呼籲港人罷工，罷市，罷課，並參與分別為於大埔、沙田、屯門、荃灣、黃大仙、旺角及金鐘嘅集會。

同時有網民計劃不合作運動。

August 3, 2019.Reading time less than 1 minute.

【警方的紀律訓練】
前晚有過千名市民包圍葵涌同天水圍警署，聲援728中上環衝突中被捕人士，喺葵涌更加發生激烈既警民衝突。衝突期間，有警長手持散彈槍瞄準示威者。

有傳媒翻查警隊使用散彈槍既指引，發現當晚涉事警長係以「企射姿勢」(Standing Position)，將長槍瞄準示威者，呢個同警方發言人所指既以「長槍戒備」有分別。另外，指引亦列明，除非警員決定好射擊既目標，否則手指唔可以放係扳機既護環入面，亦唔可以將槍械指向任何無射擊之力既人身上。

August 2, 2019.Reading time less than 1 minute.

【凌晨再爆衝突】
尋晚嘅連綿大雨，濕透好多年輕抗爭者嘅心，相信亦令唔少香港人難以入眠。尋晚，警方落案控告涉及星期日西區警民衝突嘅四十五人，其中四十四人被控暴動罪，部分被捕人士被扣押係葵涌警署，過百名市民夜晚係警署外聚集，聲援被捕人士，一度同警方爆發衝突。

而係天水圍警署外，凌晨有過百名市民包圍報案室門口。凌晨2點半左右，突然有私家車駛過天水圍警署，向警署外嘅人群射多枚煙花，在場人士即時走避散開，多人被煙花擊中受傷。